Facebook Twitter
 
المقالات : أسرار ليلة الدخلة - نصائح للعروس المقبلة على الزواج (1)
في 2012/9/5 11:20:54 (5446 القراء) أخبار لنفس الكاتب

الأساطير و الحكايات المحيطة بليلة الدخلة كثيرة جدا. لدرجة أن الليلة دي أصبحت كهف مظلم يخاف منه الكثيرين. و أصبحت زي حكايات أمنا الغولة و أبو رجل مسلوخة.

ربما لثقافة مجتمعاتنا العربية المنغلقة جدا ظاهريا و متفتحة جدا في السر, أصبحت ليلة الدخلة أمر يؤرق الشاب و الفتاة, و حمل كبير جدا على كاهل أي فتاة. و دائما السؤال الأزلي, هعمل ايه لما يتقفل علينا باب واحد ؟

أيضا اللي بيضاعف المشاكل هو الخجل من الأم لتثقيف بنتها جنسيا, أو عدم وجود تواصل كافي بين الأم و البنت, و أيضا الصديقات اللي بينقلوا خبراتهم و تجاربهم الشخصية على أنها الوضع العام القائم, فبيزودوا للبنت الخوف و القلق من ليلة العمر.

هوضح في سلسلة مقالات أهم الأمور الخاصة بليلة الدخلة, و اللي أي بنت بتبحث عنها و بتحاول تعرفها. بمزيج من الأسلوب العلمي و العملي. تمنياتي لجميع المقبلات على الزواج بحياة سعيدة .




هوضح الأول الكيفية الوظيفية للأعضاء التناسلية. البنت العربية في الغالب بيبقى عندها خوف و قلق من المنطقة اللي بين فخذيها, دائما التحذيرات من الأم بعدم لمس المنطقة دي, من وهي صغيرة جدا, و دا بيسبب خوف مرضي في كثير من الاحيان عند البنت.

أيضا أمهات كتير جدا بيرفضوا ان البنت تهتم بنظافتها الشخصية قبل الزواج,و دا بيخلق نوع من النفور و التقزز للبنت من الجنس, لأنه مرتبط بالمنطقة دي. وكمان بيسبب لها خوف من مواجهة الرجل عموما, لأنها مع تقدم عمرها و حكايات الصديقات في المدرسة و الخبرات اللي بتضاف لها, بتبدأ تشوف أن الجزء دا هو هدف أي رجل منها, و في نفس الوقت الجزء دا هي بتتقزز منه و بتخاف منه بشكل مبالغ فيه, فبيخلق عندها ازدواجية شديدة جدا . و دا بيؤثر بشكل كبير في ليلة الدخلة.

العضو التناسلي للمرأة هو ابداع من صنع الله سبحانه و تعالى. و في ليلة الدخلة البنت بتكتشف لاول مرة وظيفة جديدة للعضو دا, و الوظيفة دي بقدر ما هي ممتعة فهي بتحتاج منها استعدادات كبيرة جدا.

علاقة البنت بالعضو التناسلي قبل الزواج بتتلخص في الاخراج و الدورة الشهرية. و دا بيسبب للبنت بعض الضيق لأنها بتشعر ان سر كبير من اسرارها هيتكشف. و بيخليها متوترة بشكل كبير جدا في ليلة الدخلة.

لكن الحقيقة ان الرجل مش بيهتم بالأمر دا اطلاقا, بالعكس. كثير من الرجال مش بيكون عارف مكان نزول دم الحيض من أي منطقة في العضو التناسلي, و بعضهم مش بيتخيل ان العضو التناسلي للمرأة له فتحتين, فتحة لاخراج البول و فتحة الدورة الشهرية و الجماع.

بمعنى آخر, موضوع التقزز و الضيق ملوش اي مبرر, لأن اغلب الرجال مش بيركزوا في النقطة دي ومش بتيجي في بالهم اطلاقا.

الرجل في الأيام الأولى للزواج مش بيهتم غير بالجماع و المعاشرة, ربما مش بيلفت نظره حتى شكل العضو التناسلي. لكن بالطبع دا مش معناه اهمال النظافة الشخصية.


النقطة الأهم بالنسبة للبنت المقبلة على الزواج هي لحظة المعاشرة الأولى. و دي محتاجة تهيئة و تجهيز كبير جدا. هتكلم عنه في حلقة أخرى إن شاء الله

للتواصل عبر الفيس بوك : http://www.facebook.com/master.sam.90

تقييم: 8.00 (1 صوت) - قيم هذا الخبر - عجبك المقال ؟ اضغطي هنا :
آخر المقالات

أصحاب دوت كوم. 2012
جميع الحقوق محفوظة
موقع يهتم بالمشاكل اليومية والحياتية اختبارات مختلفة لتحليل الشخصية