Facebook Twitter
 
المقالات : أسرار ليلة الدخلة - نصائح للعروس المقبلة على الزواج (2)
في 2012/9/5 11:24:30 (33423 القراء) أخبار لنفس الكاتب

الأساطير و الحكايات المحيطة بليلة الدخلة كثيرة جدا. لدرجة أن الليلة دي أصبحت كهف مظلم يخاف منه الكثيرين. و أصبحت زي حكايات أمنا الغولة و أبو رجل مسلوخة.

ربما لثقافة مجتمعاتنا العربية المنغلقة جدا ظاهريا و متفتحة جدا في السر, أصبحت ليلة الدخلة أمر يؤرق الشاب و الفتاة, و حمل كبير جدا على كاهل أي فتاة. و دائما السؤال الأزلي, هعمل ايه لما يتقفل علينا باب واحد ؟

أيضا اللي بيضاعف المشاكل هو الخجل من الأم لتثقيف بنتها جنسيا, أو عدم وجود تواصل كافي بين الأم و البنت, و أيضا الصديقات اللي بينقلوا خبراتهم و تجاربهم الشخصية على أنها الوضع العام القائم, فبيزودوا للبنت الخوف و القلق من ليلة العمر.

اتكلمت في الجزء الأول من المقال عن الخوف و التقزز من العضو التناسلي, و الجزء دا هتكلم عن الخوف من لحظة الجماع الأولى و ألم الجماع و غشاء البكارة.



غشاء البكارة هو بقايا جنينية بتبقى موجوده على فتحة المهبل, المكان اللي بينزل منه الدورة الشهرية, و ايضا المكان اللي بيحصل عن طريقه المعاشرة الجنسية

اشكال غشاء البكارة مختلفة, و يقال ان مفيش غشائين متطابقين بشكل كامل, بمعنى تاني غشاء البكارة هو بصمة مميزة لكل امرأة عن امراة أخرى

غشاء البكارة بيبقى مثقوب, مش زي ما بعض البنات بيعتقدوا انه مصمت, بيكون مثقوب و باشكال مختلفة, عشان يسهل نزول الدورة الشهرية و عشان كمان يسهل نزول اي افرازات اثناء الاثارة مثلا قبل الزواج.

اشكال الغشاء متعددة, فيه اللي مثقوب زي الغربال مثلا, و فيه اللي مثقوب بثقب كبير بيضاوي في المنتصف, وفيه اللي مثقوب زي الشق الطولي.

لحظة فض غشاء البكارة في 90% من الحالات مش مؤلمة أبدا, بالعكس بتكون بدون شعور اطلاقا, و بيصاحبها شعور بمتعة الجماع فبتكون لحظة لا تنسى, خصوصا لو الرجل و الست اهتموا بالنقط دي

ايه الحاجات اللي لازم تهتمي بيها ؟:

1 - اول شئ لازم يكون فيه تفاهم و حوار قبل الجماع, لازم الزوج والزوجة يتكلموا في امور عادية عشان التوتر يقل او يزول

2 - لازم العروسة تاخد وقتها في تجهيز نفسها, و يكون تفكيرها انها بتستعد لاجمل ليلة في عمرها, و تطرد اي افكار سلبية او خوف من داخلها و تستعد لأجمل لحظة في حياتها

3 - الاضاءة الخافتة, و الملابس الواسعه الفضفاضة, والصوت الهادي و الحوار الجميل كل دا بيساعد على تهيئة العروسةللجماع بشكل جيد

4 - لازم العروسة تفرض سيطرتها على الزوج لو كان متسرع, بأنها تطلب منه يدلعها, و تتكلم معاه على انها محتاجة تحس بانه رومانسي, و كل ما يستجيب لها لازم هي كمان تحسسه بكدا, سواء بالكلام او بالحركة

5 - اخطر شئ هو الجماع مباشرة بدون المداعبة. و الأخطر منه هو استسلام المرأة للصمت التام

6 - لازم يكون عندك بعض القدر من التجاوب, بالطبع هيكون فيه خجل في الليلة الأولى, لكن تقدري ببعض الجرأة انك تتركي نفسك لاحاسيسك و وقتها هتساعدي زوجك على اجمل و اول ليلة في حياتك

ايه الحاجات اللي لازم تحذري منها ؟

1 - احذري من النفور او البكاء او الشجار في ليلة الدخلة, دي علامة سيئة جدا و بتسبب مشاكل كبيرة للمتزوجين

2 - احذري من الرفض العنيف لزوجك. احيانا البنت بتبقى متوترة لدرجة الرفض التام و دا مؤشر خطر على استمرار الحياة الزوجية

3 - احذري من الخجل الزائد عن الحد لدرجة ان زوجك يشعر انه بيتعامل مع قالب مصمت مش مع انسان.

4 - احذري من الجرأة الزائدة في اول ليلة لأن بعض الازواج الشرقيين بيعتقدوا ان المرأة الجريئة بتكون سيئة السمعة


في المقال القادم هتكلم اكتر عن العملية الجنسية في ليلة الدخلة و كيفية العمل على نجاحها و الخروج منها لحياة زوجية سليمة

للتواصل عبر الفيس بوك : هيثم عبدالرازق
[br]

تقييم: 0.00 (0 أصوات) - قيم هذا الخبر - عجبك المقال ؟ اضغطي هنا :
آخر المقالات

أصحاب دوت كوم. 2012
جميع الحقوق محفوظة
موقع يهتم بالمشاكل اليومية والحياتية اختبارات مختلفة لتحليل الشخصية