Facebook Twitter
 
الصحة والثقافة الجنسية : ماذا يريد الرجل من زوجته أثناء الجنس
في 2013/4/14 8:03:05 (45224 القراء) أخبار لنفس الكاتب

كتير جدا المرأة بتسأل نفسها, ايه اللي ممكن تعمله عشان تحبب زوجها فيها أكتر, خاصة أثناء العلاقة الجنسية. مشاكل الجنس و الفراش في ازدياد كبير, و نساء كثيرات بيواجهوا مشكلة حقيقية في ارضاء ازواجهم. و بينتهي بيهم الأمر إما بأن ازواجهم بيهجروا الجنس, أو بيلجأوا لاي وسيلة لاشباع رغباتهم.

المرأة بتكون مظلومة في كل الأحوال, سواء هجرها زوجها أو لجأ لأي وسيلة لاشباع رغباته. لأنها بتشعر بتقصير و عجز. مش بتقدر تفهم هي ايه اللي ناقصها, و مش بتقدر تعرف ازاي ترضي زوجها.

هحاول في المقال دا اوضح بعض المشاكل و المفاهيم الخاطئة اللي ممكن تساعد في فهم شخصية الزوج الجنسية وتساعد في حل المشاكل الزوجية في الفراش

طرق الإشباع الجنسي عند الرجل و المرأة



بداية, الإشباع الجنسي عملية مختلفة تماما بين الرجل و المرأة, دا خطأ بتقع فيه كثير من النساء, الرجل و الست بينظروا للإشباع الجنسي بشكل مختلف تماما, نظرا لاختلاف الجنس و اختلاف الوصول للشهوة و افراغها, فأول نقطة لازم الست تضعها في اعتبارها أن الإشباع الجنسي لزوجها هيكون في مرحلة مختلفة عنها و بشكل مختلف. مثال, أن الزوجة ممكن الاحتواء العاطفي يؤثر فيها أكتر من الاحتواء الجنسي, لكن الرجل العكس تماما, العاطفة عنده مش ممكن تعوض الجنس أبدا .

الحل لفهم طبيعة الزوج هو الحوار, تبادل الأفكار و النقاش حول رغبات طل طرف و كيفية اشباعها, الحوار مش معناه الطلب أو التوسل لشئ معين, الحوار معناه تبادل الأفكار و ترك انطباعات. بمعنى مش المفروض تقولي للزوج انا عاوزة كذا و كذا, أو تسأليه انت عاوز ايه ؟ ؟ لكن بالعكس.
المفروض تعرفي ايه اللي ممكن يشبعه و تفكري انتي في طرق تؤدي لنفس الاتجاه.

الوصول للنشوة الجنسية



حقيقة لازم تعرفها كل ست, الرجل يقدر يوصل للذروة في العملية الجنسية بشكل سريع جدا, ممكن في 5 دقائق فقط الرجل يقضي حاجته الجنسية من المرأة. و دي مشكلة كبيرة الست مش بتنتبه لها أبدا .

في بداية الزواج بيظهر للست ان دا شئ معناه حب زوجها و رغبته فيها, لكن دا مش صحيح, ولازم دايما الست تتعود انها تظبط ايقاعها مع ايقاع زوجها,. و تحاول انها تضبط شهوة زوجها بالتدريج بحيث انه يديها فرصة للوصول إلى النشوة الجنسية في نفس الوقت. فيه مقال على الموقع بيتكلم عن كيفية الوصول للنقطة دي بالتدريب .


الشعور بالرجولة أثناء الجنس

أي رجل بيحب انه يشعر برجولته مع زوجته, و كل ما الزوجة قدرت تستغل النقطة دي, هتقدر توصل مع زوجها لدرجة جيدة جدا من التفاهم .


السخط و تثبيط الزوج و اللوم الشديد دائما بيأتي بنتيجة عكسية, بيخلي الزوج ينفر من زوجته و ميحبش الوجود معاها لأنه مش بيشعر باحتياجه الطبيعي كراجل.

لازم الست دائما تنتبه للنقط اللي بتشعر زوجها برجولته و تعززها و تستخدمها في كل وقت عشان تقدر تستمتع معاه بأطول وقت ممكن في الحياة الزوجية


تعبير المرأة عن حبها لزوجها

زي نقطة الشعور بالرجولة, الرجل بيحب يشعر بتجاوب زوجته معاه, مش بيحب المرأة الصامته تماما أثناء الجنس اللي مش بتعبر عن اي شئ.

انتهزي اي فرصة بيعمل فيها شئ محبب ليكي اثناء الجنس و عبري عن دا, سواء مثلا بالصوت, بالتأوهات أو بالتلميح ليه بعد الجنس. هتجدي زوجك في المرة القادمة بيهتم جدا انه يوصلك لنفس الشعور, حتى لو هو مش مستمتع جنسيا بشئ معين, مجرد استمتاعه بتجاوبك هيخليه يعمله مرات كتير جدا.

ذكاء المرأة يكمن في انها دائما تحط للرجل نفسها و نشوتها كهدف يجب الوصول إليه, و بطرق بسيطة و سهلة تقدر توجهة دايما في الاتجاه دا.


الفتور في العلاقة الزوجية شئ معتاد نتيجة ضغوط الحياة و الاتجاه المتحرر اللي مجتماعتنا بتمشي فيه, و البديل دايما هو تعويض دا بطرق مبتكره . المرأة بذكائها الفطري و عدم ضغطها و تسلطها على زوجها تقدر تغير كل دا بوسائل بسيطة و سهلة, مادام قدرت تفهم تغيرات و مفاتيح زوجها بشكل جيد.


تحياتي و تمنياتي بحياة سعيدة
هيثم عبدالرازق - خبير نفسي
للتواصل : http://www.facebook.com/master.sam.90

تقييم: 8.00 (8 أصوات) - قيم هذا الخبر - عجبك المقال ؟ اضغطي هنا :
آخر المقالات

أصحاب دوت كوم. 2012
جميع الحقوق محفوظة
موقع يهتم بالمشاكل اليومية والحياتية اختبارات مختلفة لتحليل الشخصية